العودة   اولاد يسوع > نادي اولاد يسوع > ركن الابداع > مسرحيات
Plays



إضافة رد
قديم 12-21-2009, 06:20 PM رقم المشاركة : 1
معلومات العضو
إحصائية العضو






  Lo2Lo2a على طريق التميز

Lo2Lo2a غير متواجد حالياً

 


اسكتش عن الميلاد


الـشـخـصـيـات
( ملاك -- الرعاه -- المجوس -- النجمة -- ولد -- بقرة -- حمار )



فـى الـبـدايـة تـرنـيـمـة انـا فـرحـان


الولد : ايه ال مفرحكم كدة ... كلكم كدا فرحانين ... ايه ده ؟


النجمة : هو فيه حد مش فرحان النهاردة ؟


الولد : طب ونفرح ليه يعنى ؟


الراعى : هاهاها ... ال مش عارف ال ... مش عارف نفرح ليه ؟


النجمة : النهاردة عيد ميلاد الرب يسوع


المجوس : حتى احنا جبناله هدايا


النجمة : اصل احنا كلنا بنحبه اوى


الولد : طب مانا بحبه انا كمان


النجمة : النهاردة بيفكرنا بحاجات جميلة اوى ... وانا مش هنسا ابدا ال حصل معايا


الولد : ايه ال حصل معاكى ؟ ايه ؟


المجوس : دانتى بالذات يا نجمة حكايتك حكاية


الولد : هو انتو عارفين حكايتها ؟؟


المجوس : ايوة اصل احنا شغلتنا نراقب النجوم ونشوف ايه ال بيحصل فى السما


الولد : احى ياللا يا نجمة قولى قوام ال حصل


النجمة : كأنه كان الليلة ... انا فاكرة كويس ال حصل ... كانت ليلة ضلمة خالص ... وكنت انا نجمة صغيرة اوى ... ونورى ضعيف لدرجة ان مفيش حد واخد باله ان انا موجودة


المجوس : ده صحيح ... فعلا ( بتأكيد )


النجمة : بقيت اكبر واكبر ... ولقيت نفسى عمالة اكبر واكبر عن بقيت النجوم ... وبقيت منورة جامد وكبيرة قوى


المجوس : واحنا بقا خدنا بالنا منها


النجمة : ولاقيت نفسى ماشية ... ماشية ... والمجوس يمشو ورايا


الرعاه : بس اسكتى يا نجمة ... احكى حكايتك وبس


الولد للراعى : وانت احكيلى حكايتك


الراعى : ماهو انا ال عليا الدور ... كنت انا واصحابى قاعدين نرعى الغنم وبندفا على النار فى نفس الوقت ده ... وكل الناس كانت نايمة والدنيا كانت ضلمة خالص ... وفجاة ... حصلت حاجة غريبة


الولد بتلهف : ايه ال حصل ؟؟ ايه ؟؟


واحد اخر من الرعاه : فجأة ... ظهر نور جامد نور كل الضلمة ... ولاقينا قدامنا ملاك ابيض منور بيقول لنا ...


الملاك : استنا ... انا ال هقولهم قلت ايه


الولد : يللا قول مستنى ايه ؟؟


الملاك : افرحو ... انا جاى ابشركم بخبر حلو خالص ... المسيح اتولد ... اتولد فى بيت لحم ... وساعتها كلنا كنا فرحانين انا وكل الملايكة واتلمينا كلنا ورنمنا وقلنا ... المجد لله فى الاعالى وعلى الارض السلام وبالناس المسرة


الولد : وعملتو اي بعد كدا ؟؟


الملاك : مستنناش اى حاجة وقمنا ورحنا للرب يسوع ... وبقينا نحكى لكل واحد نقابله ونقوله افرح الرب يسوع اتولد فى بيت لحم ... وحكينا الحكاية لكل الاولاد والبنات


البقرة : دلوقتى جه دورى علشان احكى حكايتى


الولد : انتى لسة فاكرة يا بقرة يا باقرة


البقرة : ودى حاجة تتنسى ... طبعا فاكرة لما كنا احنا الاتنين قاعدين فى الحظيرة بتاعتنا ... وبعدين دخلو علينا ناس غريبة مع صاحب الحظيرة


الحمار : كانو اتنين ... راجل عجوز مع بنت حلوة ... البنت دى كانت قربت تولد


البقرة : ساعتها كانت كل البلد زحمة ومالقوش مكان غير عندنا فى الحظيرة بتاعتنا


الحمار : كانو تعبانين اوى ... الراجل العجوز كان اسمه يوسف ... والبنت الجميلة كان اسمها مريم


البقرة : بعدها مريم ولدت ولد حلو خالص ... فكر يا حمور ؟؟


الحمار : طبعا فاكر ... هو اليوم ده يتنسى ؟؟ وقلنا ساعتها اكيد الولد ده عظيم اوى


البقرة : بعد كدا الرعاه جم زاروهم ... وعرفنا بعد كدا ان ال اتولد ده هو الرب يسوع ... الرب يسوع اتولد فى الحظيرة بتاعتنا


الحمار : الرب يسوع اتولد عندنا ... يافرحنا يا بقرة


الولد : الرب يسوع اتولد عندكم ... يا بختكم ... كان نفسى اكون معاكم ... بعدين ... كملو ... ايه حصل تانى


المجوس : بعد النجمة ماكبرت ونورت اوى احنا اخدنا بالنا


واحد تانى من مجوس : والكتب ال عندنا بتقول ان كل مايتولد ملك عظيم ينور له نجم فى السما ... وكل ما كان النجم كبير اكتر كل ما كان الملك ده عظيم كتير


واحد اخر من المجوس : لاقينا النجمة بتتحرك ... مشينا وراها ... هى تمشى واحنا واراها وفجأة النجمة وقفت متحركتش ... استغربنا ... وعرفنا ان الملك العظيم ال اتولد موجود هنا


واحد اخر من المجوس : ومنسناش طبعا نجيبله هدايا تليق بمقامه


واحد اخر من المجوس : انا جبتله دهب علشان هو ملك


واحد اخر من المجوس : وانا جبتله لبان لانى حسيت انه هيكون كاهن


واحد اخر من المجوس : وانا جبتله مر لانى حسيت انه هيتألم


الولد : ياااااه ... كان نفسى اكون معاكم واشوف كل ال حصل ده


المجوس : معلش ... اوعا تزعل ... فى الاخر الرب يسوع جه ارضنا ... اتولد لينا علشانك وعلشانى


النجمة : طبعا علشان كدا كلنا لازم نفرح ... لازم نفرح ونهيص ... يلا نفرح هيييييه


بـــعـــديـــن تـــرنـــيـــمـــة انـــا فـــرحـــان





مــــــــــنــــــــــقــــــــــول

ساعد في نشر والارتقاء بنا عبر مشاركة رأيك في الفيس بوك







رد مع اقتباس
قديم 12-21-2009, 07:22 PM رقم المشاركة : 2
معلومات العضو
+ مشرفه قسم الشبابيات +
 
الصورة الرمزية gsmnr
إحصائية العضو






  gsmnr على طريق التميز

gsmnr غير متواجد حالياً

 


افتراضي رد: اسكتش عن الميلاد


جميله ياسكره تسلم ايدك







رد مع اقتباس
قديم 12-22-2009, 03:08 AM رقم المشاركة : 3
معلومات العضو
إحصائية العضو






  Lo2Lo2a على طريق التميز

Lo2Lo2a غير متواجد حالياً

 


افتراضي رد: اسكتش عن الميلاد


ميرسيه ليكى يا مارى لمرورك







رد مع اقتباس
قديم 12-28-2009, 08:43 AM رقم المشاركة : 4
معلومات العضو
إحصائية العضو






  كرم موريس على طريق التميز

كرم موريس غير متواجد حالياً

 


افتراضي رد: اسكتش عن الميلاد


جميل جدااااااااااااااااااا
وكل سنه وانتوا طيبين++++++++++++الشاعر+++







رد مع اقتباس
قديم 12-29-2009, 09:15 AM رقم المشاركة : 5
معلومات العضو
إحصائية العضو






  Lo2Lo2a على طريق التميز

Lo2Lo2a غير متواجد حالياً

 


افتراضي رد: اسكتش عن الميلاد


ميرسيه يا كرم لمرورك







رد مع اقتباس
إضافة رد
مواقع النشر (المفضلة)

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع : اسكتش عن الميلاد
الموضوع كاتب الموضوع المنتدى مشاركات آخر مشاركة
اسكتش عن الطمع magdy_ip اخبار وموضوعات منقوله RSS 0 12-10-2012 02:00 PM
اسكتش مسرحية "ونحن لا نعرف" magdy_ip اخبار وموضوعات منقوله RSS 0 12-03-2012 09:41 AM
اسكتش خاص بالميلاد مسرحية الميلاد للأطفال magdy_ip اخبار وموضوعات منقوله RSS 0 11-29-2012 12:21 PM
طلب من أخواتي أرجووووووكم بسرعة عاوز اسكتش للأطفال عن عيد الطفولة . magdy_ip اخبار وموضوعات منقوله RSS 0 11-24-2012 12:27 AM
اسكتش سؤال محيرني / للكريسماس magdy_ip اخبار وموضوعات منقوله RSS 0 11-22-2012 10:01 AM
Facebook Comments by: ABDU_GO - شركة الإبداع الرقمية

الساعة الآن 04:33 AM.

Powered by vBulletin Version 3.8.7
Copyright ©2000 - 2014, Jelsoft Enterprises Ltd, تعريب 100fm6.com & WeshFeek
ترجمة 100fm6.com